فرائیڈ انڈے ود ٹماٹر کری

فرائیڈ انڈے ود ٹماٹر کری

اجزاء۔

ٹماٹر۔ ایک کلو باریک کٹے ہوئے، لہسن کے جوئے ۔ چھ عدد(چھلے ہوئے)،کڑی پتہ۔ چھ عدد،ثابت ہری مرچ ۔آٹھ عدد، نمک ۔حسب ذائقہ، ہرا دھنیا۔ ایک گھٹی( باریک کٹا ہوا)،انڈے۔چار عدد، تیل۔ حسبِ ضرورت

ترکیب۔

سب سے پہلے ایک فرائنگ پین میں تیل ڈال کر لہسن کے جوئے گولڈن برائون کر لیں، پھر ہری مرچ اور کڑی پتہ ڈال دیں جب سیاہ ہونے لگے تو کٹے ہوئے ٹماٹر اور نمک ڈال کر پکنے دیں۔ جب ان کا پانی سوکھنے لگے تو ہلکا سا بھون کر پھر چاروں انڈے احتیاط کے ساتھ توڑ کر ٹماٹروں میں ملا دیں۔ دھیان رہے کہ زردی ثابت رہے۔ ہلکی آنچ میں دم پر رکھ دیں۔ سجانے کے لئے ہرا دھنیا باریک کاٹ کر اوپر ڈال دیں۔ انڈے الگ سے بھی تل کر ڈال سکتے ہیں۔